Leikjanámskeið sumarið 2015

12.júní-3.júlí og 6 ára námskeið 6.-22.ágúst

21.5.2015

Leikjanámskeið Tröllaheima í sumar verður staðsett í svæði Tröllaheimum í Áslandsskóla.

 Leikjanámskeiðið hefst 12. júní og verður til 3.júlí en við lokum Tröllaheimum 3. júlí til 6.ágúst. 6.ágúst hefst námskeið útskriftarhópa leikskólanna. Börn fædd 2006-2008 geta sótt miðlæg leikjanámskeið í júlí og ágúst sem eru staðsett í Hraunvallaskóla og Lækjarskóla.

Námskeiðin 12.júní-3.júlí eru fyrir börn fædd 2006-2008 (7-9 ára) og standa frá kl. 9.00-12.00 og kl. 13.00-16.00, ókeypis gæsla er á milli kl. 8.00-9.00, 12.00-13.00 og 16.00-17.00.

 Þátttökugjaldi er stillt í hóf. Veittur er 50% systkinaafsláttur. Minnst er hægt að greiða fyrir viku í senn.
Hver vika, hálfur dagur

(frá kl. 9:00 – 12:00 eða 13:00 – 16:00): 4.100 kr.
Hver vika, heill dagur

(frá kl. 9:00 – 16:00): 8.200 kr.

 Mikilvægt að mæta kl.9:00 og kl.13:00 því dagskráin byrjar stundvíslega! Við borðum kl. 10.00, kl.12:00 og kl. 14:30 alla daga og verða allir að mæta með hollt og gott nesti og klædd eftir veðri. Við erum með samlokugrill, örbylgjuofn og hraðsuðuketil á staðnum en þá daga sem við förum í ferðir getum við ekki treyst á að fá að hita matinn okkar.

 Í ár bjóðum við upp á þjónustu fyrir börn með sérþarfir á leikjanámskeiðinu okkar og verða stuðningsfulltrúar til taks fyrir þau.

Skráning fer fram í gegnum „Mínar síður“ á www.hafnarfjordur.is.

Skráning á leikjanámskeið þarf að fara fram fyrir miðnættir á fimmtudögum eigi barn að byrja á mánudeginum á eftir. Á mínum síðum er aðeins hægt að greiða með kreditkorti en hægt er að staðgreiða skráningu í Þjónustuveri Hafnarfjarðabæjar, Strandgötu 6.

Nánari upplýsingar um námskeiðin er hægt að nálgast hjá Herdísi Völu aðstoðarverkefnastjóra á skrifstofunni eða í síma 664-5523

trollaheimar@hafnarfjordur.is


Drög að dagskrá(dagskrá 6 ára námskeiða er í vinnslu):

Dagskra-leikjanamskeida 12.júní-3.júlí


Tómstundamiðstöðin í Áslandsskóla | Kríuás 1, 221 Hafnarfjörður
Félagsmiðstöðinn Ásinn | Sími 585 4611 | Netfang asinn@hafnarfjordur.is

Frístundarheimilið Tröllaheimar |Sími 585 4617 | Netfang trollaheimar@hafnarfjordur.is